روغتیايي پراختیا او پالیسۍ مرستیال د افغانستان لپاره د يونيسف ادارې له مشر و د روغتیا نړیوال سازمان له استازو سره لیدنه ترسره کړه
د عامې روغتیا وزارت د روغتیايي پراختیا او پالیسۍ مرستیال، ښاغلي ډاکټر محمد حسن غیاثي ننګرهار ولایت ته د خپل سفر په ترڅ کې د افغانستان لپاره د يونيسف ادارې له مشر، ښاغلي تاج الدین اوېلا او د روغتیا نړیوال سازمان له استازو سره لیدنه ترسره کړه
په دې لیدنه کې د یونیسف ادارې مشر په ختیځ او ننګرهار کې د خپلو همکاریو په اړه د معلوماتو وړاندې کولو سربېره د روغتیا او ګوزڼ ناروغۍ د مخنیوي په په برخه کې د راتلونکو پلانونو په اړه وضاحت وړاندې کړ.
د عامې روغتیا وزارت د روغتیايي پراختیا او پالیسۍ مرستیال، ښاغلي ډاکټر محمد حسن غیاثي د روغتیا په برخه کې د یاد ولایت ستونزې د یونیسف له مشر سره شریکې کړې او د حل لارښوونه یې وکړه.
له بل لوري د یونیسف ادارې مشر د روغتیا په برخه کې پر خپلو دوامدارو همکاریو ټینګار وکړ او په دې برخه کې یې د لا همکارۍ ډاډ ورکړ.
