د عامې روغتیا د نظارت رئیس د نورستان ولایت د عامې روغتیا له رئیس سره وکتل
د عامې روغتیا وزارت د نظارت رئیس، ډاکټر کریم الله حلیمي نورستان ولایت ته د سفر په ترڅ کې د یاد ولایت د عامې روغتیا له رئیس سره وکتل
په دې لیدنه کې د یاد ولایت په روغتیايي سکتور کې د پرمختګونو، لاسته راوړنو او موجوده ستونزو د حل په موخه بحث ا وخبرې ترسره شوې.
سربېره پر دې د یادې لېدنې په ترڅ کې د یو منظم پلان جوړولو وروسته له یو شمېر روغتیايي مراکزو نظارت ترسره او مسؤلینو ته سپارښتنې وشوې، چې د عامې روغتیا وزارت د اصولو په پام کې نیولو سره ناروغانو ته اړین روغتیايي خدمات وړاندې کړي.
