د ا.ا.ا د عامې روغتیا وزارت د خوړو او درملو مرستیال، ښاغلي مولوي حمدالله زاهد د یاد وزارت د غونډو په تالار کې د ازبکستان له سفیر، اویبیک عثمانوف او مل پلاوي سره وکتل
په دې کتنه کې افغانستان ته د ازبکستان هېواد څخه د با کیفیته درملو، طبي او خوراکي توکو واردولو، د لابراتواري ازموینو د پایلو شریکولو، افغانستان څخه د یو شمېر توکو د صادرولو او روغتیا برخه کې د دواړو هېوادونو ترمنځ د لا زیاتې همکارۍ او همغږۍ اړوند بحث او خبرې ترسره شوې.
د خوړو او درملو مرستیال، ښاغلي مولوي حمدالله زاهد ازبکستان هېواد سره د روغتیا برخه کې دوه اړخیزې اړیکې مهمې وبللې، د باکیفیته درملو، طبي او خوراکي توکو په صادرولو یې ټینګار وکړ او د لابراتواري ازموینو پایلو برخه یې د همکارۍ غوښتنه وکړه.
بل لور ازبکستاني پلاوي روغتیا برخه کې په دوه اړخیزو اړیکو خوښي څرګنده او په یادو برخو کې یې د همکارۍ ژمنه وکړه.
