د کندز ولایت جرګذر کلي کې د یو روغتیايي مرکز د بنسټ ډبره کېښودل شوه!
د یاد روغتیايي مرکز د بنسټ ډبره د کندز عامې روغتیا ریاست مسؤلینو له لوري کېښودل شوه، چې پر مهال یې د جرګذر کلي یو شمېر اوسېدونکو هم شتون درلود، د دغه روغتیايي مرکز په جوړېدو او فعالیت سره به اړینو روغتیايي خدماتو ته د جرګذر کلي د اوسېدونکو لاسرسي اسانه او ډېری ستونزې حل شي.
د کندز د عامې روغتیا رئیس ډاکټر محمد الله حکمت وویل، چې د روغتیايي خدماتو کیفیت ښه والي او پراختیا لپاره به خپلو هڅو ته دوام ورکړي او زیاته یې کړه، چې په دې برخه کې د شریکو ادارو، مرستندویه بنسټونو او عامو خلکو همکاري اړینه ده.
