په سمنګان او لوګر ولایتونو کې د میندو او ماشومانو لپاره د روغتیايي خدمتونو د وړاندې کولو هوکړهلیک لاسلیک شو
د عامې روغتیا وزارت له لوري سمنګان او لوګر ولایتونو کې د میندو او ماشومانو لپاره د بنسټیزو روغتیايي خدمتونو (RMNCAH) وړاندې کولو په موخه له Care of Afghan Families-CAF مؤسسې سره د (۳۱۸۲۴۷) درې سوه اتلس زره دوه سوه اووه څلوېښت ډالرو په ارزښت هوکړه لیک لاسليک شو
دا هوکړه لیک د روغتيايي خدمتونو کيفيت لوړولو، لاسرسي زياتولو او د ولس روغتيايي ستونزو کمولو په موخه د یو کال لپاره لاسليک شو، چې له مخې به یې د ۴۵روغتيايي ځالو له لارې د یادو ولایتونو (۳۲۴۱۱) تنه اوسېدونکي له روغتیايي خدماتو برخمن او (۱۹۰) تنو ته به روغتیايي برخه کې د کار زمینه برابره شي.
بل لور، د CAF مؤسسې استازو هم ډاډ څرګند کړ، چې ياده پروژه به د یو کال په ترڅ کې له ټولو ټاکل شويو معيارونو سره سمه پلي کړي او د خلکو روغتيايي اړتیاوو پوره کولو ته به ځانګړې پاملرنه کوي.
