د تخار عامې روغتیا ریاست د څارنې او پلټنې امریت مسؤلینو په بهارک او خواجه غار ولسوالیو کې له یو شمېر دولتي او ۲۷ خصوصي روغتیايي مرکزونو څخه نظارت ترسره کړ
د یاد نظارت پر مهال د بهارک ولسوالۍ جامع روغتیايي مرکز او د خواجه غار ولسوالۍ د هزارباغ جامع روغتیايي مرکز سربېره، ۲۷ خصوصي روغتیايي مرکزونه وکتل شول، چې کلینیکونه، روغتيايي کتنځي، د الټراساونډ مرکزونه، د نرسنګ خدمتونو څانګې او درملتونونه په کې شامل وو.
همدارنګه، د یاد نظارت په پایله کې ۱۵ درملتونونه، روغتيايي کتنځي، د نرسنګ خدمتونو څانګې او د الټراساونډ مرکزونه د یو شمېر نیمګړتیاوو او د عامې روغتیا وزارت د اصولو او مقرراتو د نه مراعتولو له امله وتړل شول او د فعالیت مخه يې ونیول شوه.
