د ا.ا.ا د عامې روغتيا وزير، ښاغلي مولوي نور جلال جلالي ننګرهار ته د سفر په ترڅ کې د دغه ولايت له والي ملا محمد نعيم اخند سره د روغتیایي خدماتو ښه والي او پراختیا په موخه لیدنه وکړه
په دې ليدنه کې، چې د ننګرهار د عامې روغتيا رئيس مولوي آمين الله شریف هم شتون درلود، په ننګرهار ولايت کې د روغتيا اړوندو پراختیایي پروژو، د درملنې کيفيت ښه والي او د روغتيايي خدمتونو په برخه کې د اسانتياوو رامنځته کېدو او پراختيا په اړه خبرې وشوې.
د ننګرهار والي د دغه ولايت د روغتيايي سکتور برخه کې يو شمېر ستونزې او وړانديزونه له ښاغلي وزير سره شريک کړل، چې د عامې روغتيا ښاغلي وزير له لوري ورته د حل، همکارۍ او بشپړې پاملرنې ډاډ ورکړل شو.
