د ا.ا.ا د عامې روغتیا وزارت د مقام د هدایت په اساس ټاکل شوي هیئت جوزجان ولایت ته د سفر په ترڅ کې د ۱۶.۴ ميليونه افغانیو په لګښت د یوې پروژې پرانیسته تر سره کړه
یاده پروژه چې د خصوصي سکټور له لوري پرې ۱۶.۴ ميليونه افغانۍ پانګونه شوې ده، د ا.ا.ا د رياست الوزرا عالي مقام په ۱۴۴۵/۹/۲۷ نېټه د ۴۸۷۸ ګڼې حکم پر اساس د عامه او خصوصي مشارکت تر چتر لاندې د جوزجان ولايت افغان ترک د ماشومانو درملنې روغتون کې د کفيټريا، پايواز خونو او دوکانونو جوړولو په موخه منظوره شوې وه، پرانیسته یې د عامې روغتيا وزارت تخنیکي هیئت، د جوزجان د والي، عامې روغتیا رئیس، د عامه او خصوصي مشارکت رئيس او د یاد ولایت د یو شمېر نورو مسؤلینو په شتون کې تر سره شوه.
د یادونې وړ ده، چې د دغې پروژې په پرانیستې سره به یادو برخو کې ناروغانو او پایوازانو ته ګڼې اسانتیاوې رامنځته شي.
