د متخصصینو او جدي پاملرنې (ICU) برخو مسؤلینو د بستونو ګمارنې په موخه د شرایطو وړ نوماندانو څخه د ازموینې بهیر ترسره شو
دا ازموینه د تخار، کندهار، بلخ، لغمان، پکتیا، خوست، ننګرهار او لغمان ولایتونو لپاره د عامې روغتیا وزارت د معالجوي طب لوی ریاست د جدي پاملرنې (ICU) پروژې له لوري له ۵۳ تنو نوماندانو څخه واخیستل شوه.
په دې ازموینه کې د ټاکل شوې کمېټې له لوري، چې د دې وزارت د بېلا بېلو ریاستونو استازي پکې شامل وو، د ګډونوالو لپاره ۱۰ پوښتنې په نظر کې نیول شوې وې، چې ازموینه یې په یو خوندي او شفاف چاپېریال کې واخیستل شوه او پایلې به یې وروسته له داوطلبانو سره شریکې شي.
