د ا.ا.ا د عامې روغتیا وزارت مالي او اداري چارو مرستیال، ښاغلي ملا بخت الرحمن شرافت کابل کې نور د سترګو ناروغیو درملنې ملي او تخصصي روغتون څخه لیدنه وکړه
په دغه لیدنه کې چې د یاد روغتون رئیس، ډاکټر ظاهر ګل ځدران یې ملتیا کوله، د مالي او اداري چارو مرستیال د دې روغتون بېلا بېلې څانګې ولیدې، د ناروغانو احوال یې واخیست او د روغتیايي کارکوونکو سره یې خبرې ترسره کړې.
همدارنګه، د یاد روغتون رئیس، مالي او اداري چارو مرستیال سره د یاد روغتون شته ستونزې شریکې کړې، چې د بشپړ حل او همکارۍ ډاډ ورکړل شو.
د یادونې وړ ده، چې نور د سترګو ناروغیو درملنې ملي روغتون په خپلو ټولو امکاناتو سره بېلا بېلو برخو کې هېوادوالو ته خدمات وړاندې کوي.
