د ا.ا.ا د عامې روغتیا وزیر، ښاغلي مولوي نور جلال جلالي په خپل کاري دفتر کې د افغانستان لپاره د قطر هیواد له شارژدافیر مُردف القاشوطي سره وکتل
په دې کتنه کې د روغتونونو لپاره د تجهیزاتو برابرېدو، په کندهار ولایت کې د قطر هېواد له لوري د جوړېدونکي ۴۰۰ بستریز روغتون او د روغتیايي پرسونل ظرفیت لوړولو اړوند خبرې ترسره شوې.
ښاغلي وزیر، د قطر هېواد له دوامدره همکاریو څخه د مننې ترڅنګ په معیاري توګه د ناروغانو ستونزو ته د رسېدنې او غوره خدمتونو په موخه د روغتیايي کارکوونکو ظرفیت لوړول او پر تجهیزاتو د روغتونونو سمبالول مهم یاد کړل او دې برخه کې یې د قطر هېواد همکاري اړینه وبلله.
بل لور د قطر سفیر، خپلو دومداره همکاریو ته په اشارې په یادو برخو کې د همکارۍ ډاډ څرګند کړ.
