د افغانستان اسلامې امارت د عامې روغتیا وزیر، ښاغلي ډاکټر قلندر عباد په خپل کاري دفتر کې د جوزجان له والي قاري ګل حیدر شفق سره لیدنه ترسره کړه
په دې لیدنه کې په جوزجان ولایت کې د روغتیايي سیستم پر پیاوړتیا، د دې ولایت اوسېدونکو ته د روغتیايي خدمتونو پر وړاندې کېدو او ورته نورو موضوعاتو بحث او خبرې ترسره شوې
د عامې روغتیا وزیر، ښاغلي ډاکټر قلندر د روغتیايي سیستم پیاوړتیا له خپلو لومړیتوبونو وباله او ویې ویل، چې په همدې موخه په دې وروستیو کې د نورو ولایتونو تر څنګ جوزجان ولایت ته هم د عامې روغتیا وزارت له لوري ځانګړې پاملرنه شوې او ګڼ شمېرروغتیايي مرکزونه په کې جوړ شوې او لا هم یاده لړۍ دوام لري.
له بل لوري د جوزجان والي د عامې روغتیا وزارت له مشرتابه څخه دې ولایت ته د هغې د ځانګړې پاملرنې په موخه مننه وکړه او د هېواد د روغتیايي سیستم د پیاوړتیا په برخه کې یې د هغې هڅې وستایلې.
