د بلخ د عامې روغتیا رئیس او د ازبکستان د روغتیا وزیر ترمنځ د روغتیايي همکاریو د پیاوړتیا ناسته وشوه
د بلخ ولايت عامې روغتيا رئيس، رحمت الله منصور په خپل کاري دفتر کې د ازبکستان هېواد د عامې روغتيا له وزير، ښاغلي اصيل بيک خداياروف او مل پلاوي سره د روغتیایي همکاریو پیاوړتیا په موخه ناسته ترسره کړه
په دې ناسته کې د ګډو همکاریو د پیاوړتیا او پراختیا، د روغتیایي کارکوونکو ظرفيت لوړونې او هر اړخیزې همغږۍ په اړه بحث او خبرې ترسره شوې.
د ازبکستان د عامې روغتيا وزير وويل: (موږ غواړو افغانستان سره روغتیا برخه کې لا زیاته همکاري وکړو او زياته یې کړه، د افغانستان روغتياپالان د مسلکيتوب تر څنګ ښې وړتیاوې لري او دا کار کولای شي، چې د ناروغانو په درملنه کې بنسټیز رول اداء کړي).
