د خصوصي سکټور د تنظیم او همغږۍ ریاست په خوست ولایت کې د طبي پاتې شونو (زبالو) د مدیریت په اړه ورکشاپ ترسره کړ
یاد ورکشاپ چې د خصوصي سکټور د تنظیم او همغږۍ ریاست تخنیکي ټیم له لوري د روغتیایي خدمتونو د تنظیم امریت په مشرۍ د خوست ولایت د چاپېریال ساتنې ریاست په تالار کې ترسره شو، په کې د چاپېریال ساتنې رئیس، د یاد ریاست کارکوونکو، د زبالو د تنظیم کمېټې غړو، د ولایت مقام استازو، د عامې روغتیا ریاست، ښاروالۍ او د خوست ولایت د روغتیايي مرکزونو مسؤلینو ګډون درلود.
همدارنګه، د جهاد افغان تنظیفي شرکت څخه هم نظارت وشو او د یاد شرکت مسؤلینو ژمنه وکړه، چې د شرکت نیمګړتیاوې به د خصوصي سکټور د تنظیم او همغږۍ ریاست د تخنیکي ټیم له لارښود سره برابر کړي.
