د خوړو او درملو معینیت له لوري د کاپیسا، لوګر او پنجشېر ولایتونو ۱۴ خالي بستونو لپاره د ازادې سیالۍ له لارې ازموینه واخیستل شوه
په دې ازموینه کې ۱۵۰ تنو ګډون کړی و، چې د خوړو او درملو معینیت کې ترې د ازادې سیالۍ له لارې ازموینه واخیستل شوه.
د خوړو او درملو معینیت حقوقي مشاور، مولوي فضل الدین حقاني ګډونوالو ته د پرانیست وینا پر مهال د ازموینې د شفافیت ډاډ څرګند او له هغوی یې وغوښتل، چې د ازموینې اړوند پوښتنې په پوره دقت حل کړي.
د یادونې وړ ده، چې د لرې پرتو ولایتونو خالي بستونو لپاره له نوماندانو څخه په انلاین ډول ازموینه اخیستل کېږي؛ ترڅو په پروسه کې اسانتیا رامنځته شي.
