د خوړو او درملو معینیت لوړ پوړي پلاوي په هندوستان هېواد کې د اړوندو روغتيايي ادارو له مسؤلینو سره د همکاریو د پراختیا په موخه  ليدنې وکړې

rasooli_admin
یکشنبه ۱۴۰۵/۶/۲۲ - ۱۳:۵۰
MOPH

د افغانستان ا.ا. د عامې روغتیا وزارت د خوړو او درملو مرستیال، ښاغلي مولوي حمدالله زاهد په مشرۍ يو تخنيکي پلاوي هندوستان ته د رسمي سفر په ترڅ کې د دغه هېواد د درملو د کنټرول او تنظیم مرکزي ادارې، د خوراکي توکو د وارداتو د تنظیم ادارې او د هند د دودیزو او بدیلو روغتیايي سیستمونو وزارت (ايوش) له مسؤلینو سره بېلا بېلې ناستې تر سره کړې.

په دغو ناستو کې د دواړو هېوادونو ترمنځ د همکاریو د هوکړه لیکونو نهایي کولو، د هندي درمل جوړوونکو فابریکو د ارزونې بهیر او د خوراکي توکو د وارداتو په برخه کې د شته ننګونو په اړه هر اړخیز بحث او خبرې وشوې.

همداراز، د چارو د لا ښه تنظیم په موخه پرېکړه وشوه، چې دواړه لوري به د انلاین ناستو له لارې شته موضوعات پر وخت تعقیبوي، هندي لوري به د هوکړه لیکونو په اړه خپل تخنیکي نظرونه له افغان لوري سره شریکوي؛ ترڅو موضوع د ډیپلوماتیکو لارو وروستۍ او د یادو هوکړه لیکونو د لاسلیک زمینه برابره شي.

تازه خبرونه

چهارشنبه ۱۴۰۵/۸/۶ - ۱۶:۲۴
Background image

د بارورۍ روغتیا د ستراتیژۍ بیاکتنې او تدوین په موخه د رهبرۍ او تخنیکي کمېټې غونډه ترسره شوه

یاده غونډه د عامې روغتیا وزارت د پلان او پاليسۍ لوی رئیس، ډاکټر سید رسول منګل په مشرۍ ترسره شوه، چې په کې د دغه وزارت يو شمېر مرکزي رئیسانو، د UNFPA، روغتیا نړیوال سازمان او UNICEF ادار. . .

چهارشنبه ۱۴۰۵/۸/۶ - ۹:۹
Background image

د کابل ښار پل خشتي سیمه کې د رضاکارانه وینې راټولولو کمپاین ترسره شو

د عامې روغتیا وزارت د وینې ملي بانک له لوري د کابل ښار پل خشتي سیمه کې د عامه پوهاوي او رضاکارانه وینې راټولولو کمپاین ترسره شو.

په دغه کمپاین کې له ۲۸ تنو هېوادوالو څخه ۱۴ زره سي‌ سي. . .

چهارشنبه ۱۴۰۵/۸/۶ - ۹:۲
Background image

د ولایتونو روغتیايي ناظمینو ته ۴۲۰ عرادې موټرسایکلونه پېرل کېږي

د عامې روغتیا وزارت په پام کې لري، چې په ولایتونو کې د روغتیايي خدمتونو د څارنې بهیر د لا پیاوړتیا او اړوندو چارو د اسانتیا په موخه د روغتیايي ناظمینو لپاره ۴۲۰ عرادې موټرسایکلونه وپېري. . .

BACK TO NEWS