د رسنیو له مسؤلینو سره د همغږۍ ناسته ترسره شوه
د عامې روغتیا وزارت ویاند او د عامه اړیکو رئیس، ډاکټر شرافت زمان امرخېل د حکومت رسنیو مرکز په کوربه توب د رسنیو له مسؤلینو سره د همغږۍ ناسته ترسره کړه
په دې ناسته کې د عامې روغتیا وزارت له لوري هېوادوالو سره پر وخت د معلوماتو شریکولو، د بېلا بېلو ناروغیو اړوند معلوماتو ورکولو او د روغتیا په برخه کې د عامه پوهاوي ترسره کولو په موخه د رسنیو مسؤلینو سره د لا زیاتې همغږۍ او همکارۍ اړوند بحث او خبرې ترسره شوې.
د عامې روغتیا وزارت له لوري رسنیو سره پر وخت د معلوماتو شریکولو او هېوادوالو ته د معلوماتو رسولو برخه کې د ژمنتیا ډاډ څرګند او په دې برخه کې د لا زیات کار او پرمختګ ډاډ ورکړل شو؛ څو د روغتیا په برخه کې هېوادوالو ته پر وخت معلومات ورسول شي.
