د روغتیايي خدمتونو وړاندې کولو مرستیال د پکتیکا ولایتي روغتون له خدماتو څخه لیدنه تر سره کړه
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني پکتیکا ولایت ته د سفر پرمهال له ولایتي روغتون څخه لیدنه ترسره کړه
د روغتیایي خدمتونو وړاندې کولو مرستیال، ښاغلي مولوي عبدالولي حقاني د پکتیکا ولایتي روغتون له خدماتو څخه د لیدنې ترڅنګ په دغه روغتون کې د بستر ناروغانو احوال واخیست او هغوۍ ته یې د روغتیا هیله څرګنده کړه.
نوموړي دغه راز د یاد روغتون له روغتیايي کارکوونکو سره د ستونزو د حل په موخه ناسته ترسره کړه، چې د روغتیايي کارکوونکو ورسره د روغتیا په برخه کې د یو شمېر ستونزو د حل په موخه خپل وړاندیزونه شریک کړل.
د روغتیايي خدمتونو وړاندې کولو مرستیال د یاد روغتون د پرسونل غوښتنې واورېدې او په دې برخه کې یې د ځانګړې پاملرنې ډاډ ورکړ.
