د عامې روغتيا وزارت له لوري د افغان حاجيانو درملنې په موخه ۴۲ قلمه بېلا بېل اړين درمل د حج او اوقافو وزارت ته وسپارل شول
دغه درمل د حاجيانو د روغتيا ساتنې، د عامه ناروغيو درملنې او بېړنيو روغتيايي حالاتو ته پر وخت رسېدنې په موخه ياد وزارت ته وسپارل شو، چې د حج فريضې اداء کولو پر مهال به د ټاکل شويو روغتيايي ټيمونو له لوري د اړتيا پر مهال افغان حاجيانو ته ورکول کېږي.
د عامې روغتيا وزارت د اړوندو ادارو سره په همغږۍ ژمن دی، چې د افغان حاجيانو لپاره معياري روغتيايي خدمتونه برابر او د هغوی د روغتيا خونديتوب لپاره لازم اقدامات ترسره کړي.
د يادونې وړ ده، چې عامې روغتيا وزارت د ارشاد، حج او اوقافو وزارت په همغږۍ د واکسین او نورو ناروغیو اړوند د عامه پوهاوي خدمات تر سره کوي.
