د عامې روغتیا وزارت د تېر یوه کال مهمې لاسته راوړنې له ولس سره شریکې شوې

rasooli_admin
چهارشنبه ۱۴۰۵/۶/۱۸ - ۱۵:۵
MOPH

"حکومت د مطبوعاتو په هنداره کې" تر سرلیک لاندې، د پیل شوي پروګرام په چوکاټ د روغتیا او ورزش اوونۍ په مناسبت د افغانستان ا.ا ویاند، ښاغلي مولوي ذبیح‌الله مجاهد له لوري په یوه خبري کنفرانس کې د عامې روغتیا وزارت د تېر یو کال مهمې لاسته راوړنې له ولس سره شریکې شوې.

د عامې روغتیا وزارت د ۱۴۴۷ هـ.ق کال په ترڅ کې د روغتیايي نظام د پیاوړتیا په موخه د روغتیا ملي ستراتېژي، پنځه کلن ستراتېژیک پلان او د روغتیايي خدمتونو نوې ټولګه ترتیب کړې او ۳۳۲ لارښودونه، کلینیکي پروتوکولونه او تقنیني او تنظیمي اسناد یې چمتو کړي دي.

همدارنګه، له ۱۰ زرو څخه ډېرو روغتیايي کارکوونکو ته روزنه ورکړل شوې، ۶۰ روغتیايي پروژې بشپړې او ګټې اخیستنې ته سپارل شوې دي او د ۱۰۳ روغتیايي مرکزونو او روغتونونو د جوړولو او بیارغونې چارې هم روانې دي.

په همدې موده کې د هېواد وګړو ته ۹۲.۷ میلیونه سراپا روغتیايي خدمتونه او ۲.۱ میلیونو څخه ډېرو ته بستر روغتیايي خدمتونه وړاندې شوي دي.

دغه راز، له ۱۰۹ زرو څخه ډېر د درملو، خوراکي توکو او روغتیايي محصولاتو نمونې ارزول شوي، ۱۲۹۵ ټنه ناقانونه، له نېټې تېر او غیرمعیاري توکي له منځه وړل شوي او د روغتیايي خدمتونو د پراختیا په موخه له ملي او نړیوالو شریکانو سره ۳۵۰ هوکړه‌لیکونه لاسلیک شوي دي.

تازه خبرونه

چهارشنبه ۱۴۰۵/۸/۲۷ - ۹:۷
Background image

د عامې روغتيا وزارت د بېلابېلو مرکزي رياستونو کارکوونکو ته د ظرفيت لوړونې په موخه د اړتياوو ارزونې غونډه ترسره شوه

دا غونډه د عامې روغتيا وزارت په لوی تالار کې د دغه وزارت د کارکوونکو چارو لوی ریاست په همکارۍ د چارو ادارې لوی ریاست اړوند د افغانستان د ملکي خدمتونو انسټیټیوټ له لوري ترسره شوه، چې د. . .

چهارشنبه ۱۴۰۵/۸/۲۷ - ۹:۱
Background image

د ننګرهار عامې روغتیا رئیس له ازبکستاني پلاوي سره لیدنه وکړه

د ننګرهار عامې روغتیا رئیس، مولوي امین‌الله شریف، د ازبکستان د عامې روغتیا وزارت د درمل جوړونې صنعت د پراختیا ادارې له مرستیال ظفربیک قاسموف، په کابل کې د دغه هېواد له اقتصادي اتشې. . .

BACK TO NEWS