د عامې روغتیا وزارت د خوړو او درملو مرستیال، ښاغلي مولوي حمدالله زاهد د هېواد د درملو او روغتیايي محصولاتو د ۲۲ تولیدوونکو فابریکو له مسؤلینو سره مشورتي ناسته تر سره کړه

rasooli_admin
چهارشنبه ۱۴۰۵/۴/۳ - ۱۵:۵۱
moph

دا ناسته د خوړو او درملو معینیت په تالار کې تر سره شوه، چې د درملو برخې رئیسانو، د خوړو او درملو معینیت تخنیکي مشاورینو او د تولیدي فابریکو مسؤلینو په کې شتون درلود او د هېواد د درملو جوړونې صنعت پر اوسني وضعیت، شته تولیدي ظرفیتونو، د کورنیو تولیداتو د ودې او پراختیا پر لارو چارو، پر وارداتو د اتکا کمولو او د اساسي درملو په تولید کې ځان ‌بسیاینې ته د رسېدو په اړه په کې بحث او خبرې تر سره شوې.

د خوړو او درملو مرستیال، د افغانستان ا.ا. له لوري د کورنیو تولیداتو پر هر اړخیز ملاتړ ټینګار وکړ او د فابریکو مسؤلین یې د محصولاتو کیفیت لوړولو، د نړیوالو معیارونو پلي کولو او د GMP تصدیق پاڼو ترلاسه کولو لپاره وهڅول او ویې ویل: د کورنیو تولیداتو معیاري کول د سالمې سیالۍ، د مصرفوونکو د باور زیاتوالي او د کورنیو او بهرنیو بازارونو د پراختیا زمینه برابروي.

همداراز، په دې ناسته کې د کورنیو فابریکو تولیدي ظرفیتونه وارزول شول او هغه اقلام وپېژندل شول، چې کورني تولیدوونکي یې د تولید او برابرولو وړتیا لري او کولای شي هېواد د درملو د اړتیاوو په یوه د پام وړ برخه کې ځان ‌بسیاینې ته ورسوي.

بل لور، د تولیدي فابریکو مسؤلینو د هېواد د درملو جوړونې صنعت د ودې لپاره د ا.ا. او د خوړو او درملو معینیت له ملاتړ، اسانتیاوو او تشویقي پالیسیو څخه د مننې تر څنګ زیاته کړه، چې په تېرو کلونو کې د کورنیو تولیداتو ونډه د درملو او روغتیايي محصولاتو په بازار کې له ۵ سلنې کمه وه، خو د حکومت د دوامدار ملاتړ په پایله کې دا ونډه اوس تر ۴۰ سلنې زیاته شوې ده.

دغه راز د تولیدي فابریکو مسؤلینو ډاډ ورکړ، چې د درملو د یو شمېر اقلامو په برخه کې بشپړ کورنی تولیدي ظرفیت موجود دی او د هېواد فابریکې کولای شي د کورني بازار اړتیاوې پوره کړي.

تازه خبرونه

چهارشنبه ۱۴۰۵/۸/۶ - ۱۶:۲۴
Background image

د بارورۍ روغتیا د ستراتیژۍ بیاکتنې او تدوین په موخه د رهبرۍ او تخنیکي کمېټې غونډه ترسره شوه

یاده غونډه د عامې روغتیا وزارت د پلان او پاليسۍ لوی رئیس، ډاکټر سید رسول منګل په مشرۍ ترسره شوه، چې په کې د دغه وزارت يو شمېر مرکزي رئیسانو، د UNFPA، روغتیا نړیوال سازمان او UNICEF ادار. . .

چهارشنبه ۱۴۰۵/۸/۶ - ۹:۹
Background image

د کابل ښار پل خشتي سیمه کې د رضاکارانه وینې راټولولو کمپاین ترسره شو

د عامې روغتیا وزارت د وینې ملي بانک له لوري د کابل ښار پل خشتي سیمه کې د عامه پوهاوي او رضاکارانه وینې راټولولو کمپاین ترسره شو.

په دغه کمپاین کې له ۲۸ تنو هېوادوالو څخه ۱۴ زره سي‌ سي. . .

چهارشنبه ۱۴۰۵/۸/۶ - ۹:۲
Background image

د ولایتونو روغتیايي ناظمینو ته ۴۲۰ عرادې موټرسایکلونه پېرل کېږي

د عامې روغتیا وزارت په پام کې لري، چې په ولایتونو کې د روغتیايي خدمتونو د څارنې بهیر د لا پیاوړتیا او اړوندو چارو د اسانتیا په موخه د روغتیايي ناظمینو لپاره ۴۲۰ عرادې موټرسایکلونه وپېري. . .

BACK TO NEWS