د عامې روغتیا وزارت د درملو او روغتیايي محصولاتو لوی رئیس، ډاکټر نعیم الله ایوبي د هېواد د ټولو ولایتونو د څارنې او پلټنې مسؤلینو سره آنلاین ناسته ترسره کړه
په دې ناسته کې د ریاست الوزرا د اقتصادي معاونیت د لارښوونې عملي کولو له مخې پاکستان څخه د درملو وارداتو د منعې، د درملو او خوراکي توکو له تأسیساتو څخه د منظم نظارت، د نرخونو کنټرول او د غیرقانوني او غیرشرعي فعالیتونو لکه (احتکار، د جعل او افواهاتو خپراوي) مخنیوي په اړه بحث ترسره شو.
همداراز، په یاده ناسته کې د درملو، روغتیایي محصولاتو او خوراکي توکو د څارنې او پلټنې رئیس ډاکټر محمد اقبال حماد په مرکز او ولسوالیو کې د ګډو کمیټو پر جوړېدو او ځانګړو نظارتي چارو په ترسره کولو ټینګار وکړ او له متخلفینو سره یې د جدي چلند غوښتنه وکړه
همدارنګه، ولایتي مسؤلینو د لارښوونو پلي کولو ژمنې ترڅنګ خپلې ستونزې او اړوند موضوعات شریک کړل.
ډاکټر نعیم الله ایوبي ډاډ ورکړ، چې یادې ستونزې ثبت شوي او د حل لپاره به یې لازم اقدامات ترسره شي.
