د عامې روغتیا وزارت د روغتیایي خدمتونو وړاندې کولو مرستیال، ښاغلي مولوي عبدالولي حقاني په خپل کاري دفتر کې د یونیسف ادارې له استازو سره لیدنه وکړه
د دې لیدنې موخه د باکیفیته درملو برابرول او د یوې ټاکل شوې ګډې او ځانګړې تخنیکي کمېټې تر څارنې لاندې یې د هېواد په مرکز او ولایتونو کې ټولو روغتیايي مرکزونو ته رسونه ده؛ څو دا بهیر په بشپړه روڼتیا تطبیق او ترسره شي.
همدارنګه، د روغتیایي خدمتونو وړاندې کولو مرستیال ټینګار وکړ، چې له هغو کورنیو باکیفیته محصولاتو او تولیداتو څخه دې استفاده وشي، چې نړیوال سرټیفیکیټونه لري او د عامې روغتیا وزارت له لوري تایید شوي دي؛ څو هېواد ته د بې کیفیت درملو د واردېدو مخه ونیول شي.
