د عامې روغتیا وزارت د غونډو په تالار کې د روغتیایي سمپوزیم په اړه ناسته ترسره شوه
په دې ناسته کې چې د عامې روغتیا وزیر ښاغلي مولوي نور جلال جلالي، د روغتيايي خدمتونو وړاندې کولو مرستيال ښاغلي مولوي عبدالولي حقاني، د مالي او اداري چارو مرستیال ښاغلي قاري عبدالولي صدیقي او یو شمېر مرکزي رئیسانو شتون درلود، ګډونوالو د روغتیايي سمپوزیم د تخنیکي اړخونو، روغتیايي خدمتونو اغېزمنتیا، همغږۍ او راتلونکو پلانونو په اړه خپل نظرونه او وړاندیزونه شریک کړل.
د عامې روغتیا وزیر، د روغتیایي سمپوزیم په ترسره شويو کارونو خوښي څرګنده او لارښوونه یې وکړه، چې پاتې چارې دې د روغتیايي خدمتونو وړاندې کولو مرستیال په مشرۍ بشپړې او د اړوندو موضوعاتو راپورونه او وړاندیزونه دې د وزارت مقام سره شریک شي.
