د عامې روغتیا وزارت د نظارت رئیس، ډاکټر کریم الله حلیمي او مل پلاوي په مرکز کابل کې د AADA مؤسسې له مسؤلینو سره د شته ستونزو حل په موخه ناسته تر سره کړه
په دې ناسته کې د نظارتي ټیم له لوري د موندل شویو ستونزو په حل لارو بحث تر سره او د نظارت رئیس، د یادې مؤسسې مسؤلینو ته د شته ستونزو او نیمګړتیاوو د حل په موخه لازمې سپارښتنې وکړې او له هغوی یې وغوښتل، چې له عامې روغتیا وزارت سره د شوې هوکړې پر اساس خدمتونه وړاندې کړي.
د یادونې وړ ده، چې ADDA مؤسسه د کابل په محرومو سیمو کې د امیندوارو میرمنو او له ۶ تر ۵۹ میاشتني عمر لرونکو ماشومانو لپاره د منځنې کچې حاد خوارځواکۍ درملنې SAM او MAM خدمتونو وړاندې کولو مسؤلیت په غاړه لري.
