د عامې روغتیا وزارت د نظارت رئیس، ډاکټر کریم الله حلیمي نیمروز ولایت ته د سفر په ترڅ کې د BPHS ,EPHS ورټیکل پروژو او د خصوصي سکټور له یو شمیر روغتیایي مرکزونو څخه نظارت ترسره کړ
یاد نظارت چې موخه یې د روغتیایي خدمتونو کیفیت لوړل، هېوادوالو ته په معیاري توګه د روغتیايي خدمتونو وړاندې کول او د چارو شفافیت دی، په ترڅ کې یې ډاکټر کریم الله حلیمي او مل تخنیکي ټیم د نیمروز ولایتي روغتون، دولتي او خصوصي روغتیایي مرکزونو څخه لیدنه وکړه، ستونزې او نیمګړتیاوې یې په نښه او حل په موخه له اړوندو مسؤلینو سره شریکې کړې؛ تر څو هېوادوالو ته باکیفیته او معیاري خدماتو وړاندې شي.
دغه راز، د نظارت رئیس روغتیایي کارکوونکو ته لازمې سپارښتنې وکړې، چې د ناروغانو ستونزو ته د رسېدنې او غوره درملنې سربېره هغوی سره ښه چلند وکړي
