د عامې روغتیا وزارت مرستیال د افغان جاپان او سرطاني ناروغیو درملنې تخصصي روغتونونو څخه لیدنه وکړه

rasooli_admin
سه‌شنبه ۱۴۰۵/۶/۱۰ - ۱۰:۱۴
moph

د عامې روغتیا وزارت د روغتيايي خدمتونو وړاندې کولو مرستيال، ښاغلي مولوي عبدالولي حقاني د تخنیکي پلاوي په ملتيا د افغان جاپان او سرطاني ناروغيو درملنې تخصصي روغتونونو څخه لیدنې تر سره کړې

 د روغتيايي خدمتونو وړاندې کولو مرستيال لومړی په افغان چاپان روغتون کې د چاپان هېواد د بشري پرمختګ څانګې له لوړ پوړي سلاکار، ايسانو ميټسو سره ناسته ترسره او په دغه روغتون کې یې د يو شمېر نويو څانګو جوړولو په اړه بحث او خبرې وکړې؛  تر څو هېوادوالو ته لا معیاري روغتیايي خدمات وړاندې شي.

بل لور د چاپان هېواد د بشري پرمختګ څانګې سلاکار خپلو دوامدارو همکاريو ته په اشارې  ډاډ ورکړ، چې په دې برخه کې به خپله هڅه او همکاري وکړي.

ښاغلي حقاني همداراز، د ياد روغتون ستونزې په نښه او د حل لپاره یې د روغتون مسئولینو او روغتیایي کارکوونکو ته جدي سپارښتنه  وکړه؛ تر څو د روغتيايي خدمتونو په وړاندې کولو کې هېڅ خنډ او ځنډ رامنځته نه شي.

دغه راز، ښاغلي مرستيال د سرطاني ناروغيو د تشخیص او درملنې تخصصي روغتون څخه د ليدنې پر مهال د ناروغانو احوال واخيست، له روغتيايي کارکوونکو سره يې ناسته تر سره او هغوی ته يې سپارښتنه وکړه چې له مراجعينو او ناروغانو سره د غوره چلند سربېره د هغوی ستونزو ته بشپړه رسېدنه وکړي.

تازه خبرونه

چهارشنبه ۱۴۰۵/۸/۶ - ۱۶:۲۴
Background image

د بارورۍ روغتیا د ستراتیژۍ بیاکتنې او تدوین په موخه د رهبرۍ او تخنیکي کمېټې غونډه ترسره شوه

یاده غونډه د عامې روغتیا وزارت د پلان او پاليسۍ لوی رئیس، ډاکټر سید رسول منګل په مشرۍ ترسره شوه، چې په کې د دغه وزارت يو شمېر مرکزي رئیسانو، د UNFPA، روغتیا نړیوال سازمان او UNICEF ادار. . .

چهارشنبه ۱۴۰۵/۸/۶ - ۹:۹
Background image

د کابل ښار پل خشتي سیمه کې د رضاکارانه وینې راټولولو کمپاین ترسره شو

د عامې روغتیا وزارت د وینې ملي بانک له لوري د کابل ښار پل خشتي سیمه کې د عامه پوهاوي او رضاکارانه وینې راټولولو کمپاین ترسره شو.

په دغه کمپاین کې له ۲۸ تنو هېوادوالو څخه ۱۴ زره سي‌ سي. . .

چهارشنبه ۱۴۰۵/۸/۶ - ۹:۲
Background image

د ولایتونو روغتیايي ناظمینو ته ۴۲۰ عرادې موټرسایکلونه پېرل کېږي

د عامې روغتیا وزارت په پام کې لري، چې په ولایتونو کې د روغتیايي خدمتونو د څارنې بهیر د لا پیاوړتیا او اړوندو چارو د اسانتیا په موخه د روغتیايي ناظمینو لپاره ۴۲۰ عرادې موټرسایکلونه وپېري. . .

BACK TO NEWS