د عامې روغتیا وزیر، ښاغلي مولوي نور جلال جلالي په خپل کاري دفتر کې د جاپان له سفیر کورومیا تاکایوشي سره لیدنه ترسره کړه
په دې لیدنه کې په روغتیايي برخه کې د جاپان هېواد د ونډې او د دواړو هېوادونو ترمنځ په روغتیايي برخه کې د لا دوامداره همکاریو په اړه بحث او خبرې ترسره شوې.
ښاغلي وزیر مولوي نور جلال جلالي د ساري ناروغیو د درملنې ، د روغتیايي پرسونل د ارتقاء ظرفیت ، په روغتیايي خدماتو کې د شفافیت ، په لرې پرتو سیمو کې د روغتیايي مراکزو جوړولو ، د جاپان هیواد د مرستو او دوامدارې همغږۍ اړوند وینا تر سره کړه ، چې په ذکر شویو برخو کې یې د جاپان هیواد همکاري اړینه وګڼله.
د جاپان هېواد سفیر په روغتیايي برخه کې د ګډ کار او پر دوامداره همکارۍ خوښي څرګنده کړه او و یې ویل
د تیر په څیر به خپلو همکاریو ته لا ادامه ورکوي او د روغتیا سکتور سره به تلپاتې همکار اوسي.
