د عامې روغتیا وزیر، ښاغلي ډاکټر قلندر عباد په خپل کاري دفتر کې د پلټنې عالي ادارې له مسؤلینو سره لیدنه ترسره کړه
په دې لیدنه کې د پلټنې عالي ادارې عمومي رئیس، مولوي نور حیدر صدر، د پلټنې عالي ادارې د فعالیتونو رئیس، احمد شکیب ستاري او د پلټنې په عالي ادارې کې د ارشاد او دعوت رئیس، مولوي عیسی خان راهب په ګډون ګډ پلاوي شتون درلود.
د پلټنې عالي ادارې د ځانګړو فعالیتونو عمومي رئیس او ګډ پلاوي په روغتونونو کې موجوده ستونزې د عامې روغتیا وزارت له مشرتابه سره شریکې کړې او د حل غوښتونکي شول.
د عامې روغتیا وزیر، ښاغلي ډاکټر قلندر عباد د یادې ادارې مسؤلینو ته په روغتونونو کې د موجوده ستونزو د حل ډاډ ورکړ.
