د ا.ا.ا د عامې روغتیا وزیر، ښاغلي مولوي نور جلال جلالي په خپل کاري دفتر کې د هیواد له بیلا بیلو ولایتونو څخه راغلیو د ولسوالیو د روغتیا مسؤولینو له استازو سره لیدنه تر سره کړه
په دې لیدنه کې د ولسوالیو د روغتیا مسؤولینو ښاغلي وزیر ته د خپلو کړنو اړوند معلومات وړاندې ، شته ستونزې تشریح او د دوۍ د ورځنیو کارونو د لا ښه والي په موخه یې خپلې غوښتنې شریکې کړې.
د عامې روغتیا وزیر ښاغلي مولوي نور جلال جلالي د خپلې وینا په ترڅ کې د ولسوالیو د روغتیا مسؤولینو هڅې وستایلې او د لا زیاتې پاملرنې او چارو کې د شفافیت اړوند یې لازمې سپارښتنې وکړې ، ښاغلي وزیر د روغتیا د مسؤولینو چارو ته پر وخت رسیدنې لپاره د ترانسپورت وسایطو برابرولو ، د معاش لوړولو او د دوۍ د تشکیل پر تنظیم اړونده مسؤولینو ته لازمې سپارښتنې وکړې او په وینا یې په دې برخه کې به هڅه کوي چې شته ستونزې حل او چارې لا معیاري شي.
