د عامې روغتیا وزیر د افغانستان لپاره د سره صلیب او سرې میاشتې ټولنې مسؤلینو سره وکتل
د افغانستان اسلامي امارت د عامې روغتیا وزیر، ښاغلي مولوي نور جلال جلالي په خپل کاري دفتر کې د افغانستان لپاره د سره صلیب او سرې میاشتې ټولنې نړیوال فدراسیون (IFRC) له مشر، ښاغلي اینوک (Enoch) او د سرې میاشتې بنسټ د روغتیا برخې له مسؤلینو سره وکتل
په دې لیدنه کې دواړو لورو ترمنځ د روغتیایي خدمتونو د پراخېدو، په سمه توګه د روغتیايي پروګرامونو د پلي کولو، په روغتیايي برخه کې سپینو سیمو ته د رسېدنې او په چارو کې د غوره همغږۍ اړوند بحث او خبرې ترسره شوې.
