د عامې روغتیا وزیر د قطر هیواد د بهرنیو چارو له وزیرې سره وکتل
![MOPH](/sites/default/files/2024-07/whatsapp_image_2024-07-24_at_14.19.14_fe8fc0a0.jpg)
د عامې روغتیا وزیر، ښاغلي مولوي نور جلال جلالي قطر هېواد ته د سفر په ترڅ کې د یاد هېواد د بهرنیو چارو له وزیرې لوء لوء الخاطر سره وکتل
په دې کتنه کې چې په قطر هېواد کې د اسلامي امارت سفیر، ښاغلي ډاکټر محمد نعیم وردګ یې هم ملتیا کوله د افغانستان روغتیايي سیستم د پیاوړتیا، د روغتیا په برخه کې د افغانستان اوسېدونکو ته د نړیوالو مرستو لپاره د لارو چارو، دواړو لوریو ترمنځ د اړیکو پر پراختیا او په روغتیايي برخه کې د قطر هېواد د همکارۍ اړوند بحث او خبرې ترسره شوې، چې د یاد هېواد د بهرنیو چارو وزیرۍ او روغتیايي مسؤلینو له لوري د همکارۍ ډاډ ورکړل شو او په دې برخو کې یې د دوامداره همکارۍ ژمنه وکړه.