د عامې روغتیا وزیر د پکتیا ولایت د سیمه ییز روغتون څخه لیدنه وکړه
د عامې روغتیا وزیر، ښاغلي مولوي نور جلال جلالي پکتیا ولایت ته د خپل سفر په لړ کې د دې ولایت د سیمه ییز روغتون له خدمتونو لیدنه وکړه
په دې لیدنه کې ښاغلي وزیر د ټولو روغتیايي څانګو د خدمتونو څخه د لیدنې برسېره د بستر ناروغانو احوال واخیست او د خدمتونو د بهیر په اړه یې له هغوۍ وپوښتل.
نوموړي همدارراز د یاد روغتون د تشکیل، درملو او تخصصي برخه کې د ستونزو د حل ډاډ څرګند کړ او روغتیايي پرسونل ته یې د معیاري خدمتونو د وړاندې کولو په موخه لازمې سپارښتنې ترسره کړې.
