د عامې روغتیا وزیر په خپل کاري دفتر کې د انترساس نړیوالې موسسې عمومي رییس سره ولیدل
د افغانستان اسلامي امارت د عامې روغتیا وزیر، ښاغلي مولوي نور جلال جلالي په خپل کاري دفتر کې د انترساس نړیوالې موسسې عمومي رییس ښاغلي (ماهر الشون) او د دغه ادارې مسئولینو سره لیدنه ترسره کړه.
په دې لیدنه کې په افغانستان کې د روغتیایي برخې پر اولیتونو، د روږدو کسانو په درملنې، د خوارځواکه ناروغیو برخې ته په پاملرنې، د روغتیایي خدمتونو کیفیت معیاري کولو او لرې پرتو سیمو ته د روغتیايي خدمتونو په رسېدنې بحث او خبرې ترسره شوې.
د عامې روغتیا وزیر ښاغلي، مولوي نور جلال جلالي په خپلو خبرو کې د افغانستان روغتیايي برخې د پیاوړتیا لپاره د نړیوالو بنسټونو همکاري اړینه وبلله او د یادې ادارې له مسئولینو یې غوښتنه وکړه، چې د لرې پرتو سیمو خلکو ته د مور او ماشوم پاملرنې سربېره معیاري روغتیايي خدمتونه وړاندې کړي، تر څو یادې برخې ته د لرې پرتو سیمو خلکو لاس رسی پیدا او روغتیايي ستونزې یې راکمې شي.
یاده ناسته کې د انټرساس نړیوالې موسسې مسئولینو په افغانستان کې روغتیايي برخې سره د خپلې همکارۍ ډاډ څرګند کړ.
