د غور ۲۵۰ بستریز ولایتي روغتون سره د ناروغانو روغتیایي وضعیت ته د رسېدنې په موخه د یوه اندازه درملو مرسته وشوه
په دې مرسته کې ۱۳۱ قلمه درمل شامل دي، چې د OCCD موسسې له لوري د روغتیا نړیوال سازمان په ملاتړ د غور ۲۵۰ بستریز ولایتي روغتون ته ورکړل شوي دي.
د غور عامې روغتیا رئیس، شیخ مولوي عبدالواحد حماس وویل: دغه درمل چې ارزښت یې له ۳.۵ میلیونه افغانیو څخه زیات دی، کولی شي د ژمي په موسم کې د دغه روغتون د ناروغانو یوه برخه اړتیاوې پوره کړي.
همدارنګه، نوموړي د دغه اقدام هرکلی وکړ او د یاد ولایت د روغتیایي خدماتو ښهوالي لپاره یې د دغه ډول مرستو د دوام غوښتنه وکړه.
