د لوګر د محمدآغې ولسوالۍ اړوند زرغونشهر روغتیايي مرکز ته ۶۲ قلمه طبي تجهیزات وسپارل شول
د لوګر ولایت د محمدآغې ولسوالۍ د زرغونشهر روغتیايي مرکز لپاره د عامې روغتیا وزارت په همکارۍ او د ملګرو ملتونو د کډوالو عالي کمېشنرۍ (UNHCR) په مالي ملاتړ د ۱۱۰ زره امریکايي ډالرو په ټولیز ارزښت ۶۲ قلمه طبي تجهیزات وسپارل شول.
یاد تجهیزات د عامې روغتیا وزارت د برنامه ريزۍ او پلان ګذارۍ رئیس، ډاکټر عبدالستار صحت په مشرۍ د یوه تخنیکي پلاوي له لوري د UNHCR ادارې د استازو په شتون کې دغه روغتیايي مرکز ته وسپارل شول.
