د مالي او اداري چارو مرستیال د ارزاقو دولتي شرکت له رئیس سره لیدنه ترسره کړه
د عامې روغتیا وزارت د مالي او اداري چارو مرستیال، ښاغلي مولوي محمد اسحق صاحبزاده په خپل کاري دفتر کې د ارزاقو دولتي شرکت له رئیس، مولوي عبدالرازق رفیع سره لیدنه ترسره کړه
په دې لیدنه کې د عامې روغتیا وزارت له لوري دولتي شرکتونو ته د یو شمېر خوراکي توکو د پېرلو د قراردادونو د ورکړې اړوند بحث او خبرې ترسره شوې.
د عامې روغتیا وزارت د مالي او اداري چارو مرستیال، ښاغلي مولوي محمد اسحق صاحبزاده د هېواد د اقتصادي برخې پیاوړتیا په موخه دولتي شرکتونو ته د توکو د پېرلو او ورته نورو برخو کې د قراردادونو ورکړه یو اغېزمن ګام وباله او په همدې موخه یې د یاد شرکت سره د یو شمېر خوراکي توکو د پېرلو لپاره د قرارداد وروستي کولو په موخه یوه کمېټه جوړه او له غړو یې وغوښتل، چې په اړه یې لازم اقدامات ترسره کړي.
له بل لوري د یاد شرکت رئیس له لوري په دې برخه د بشپړې همکارۍ ډاډ ورکړل شو.
