د وبايي او ساري ناروغیو د مخنیوي او کنټرول په موخه همغږۍ ناسته ترسره شوه

rasooli_admin
پنجشنبه ۱۴۰۵/۶/۵ - ۱۰:۳۰
moph

د عامې روغتیا وزارت له لوري د نړیوال بانک، روغتیا نړیوال سازمان، یونیسف، د کرنې، اوبولګولو او مالدارۍ وزارت او چاپېریال ساتنې ملي ادارې له استازو سره د وبايي او ساري ناروغیو مخنیوي او کنټرول په موخه د همغږۍ ناسته ترسره شوه

په دې ناسته کې، چې د عامې روغتیا وزارت د روغتیايي خدمتونو وړاندې کولو مرستیال، مولوي عبدالولي حقاني، یو شمېر مرکزي رئیسانو، د مقام مشاورینو او د اړوندو ملي او نړیوالو ادارو استازو ګډون کړی و، د وبايي ناروغیو نړیوال صندوق (Pandemic Fund) او د دغه صندوق د وړاندیز طرحې چمتو کولو، د وبايي او ساري ناروغیو مخنیوي او کنټرول، د ناروغیو د ژر کشف او راپور ورکولو، لابراتواري تشخیص، څارنې، د ناروغیو د خپرېدو پر مهال د چټک او اغېزمن غبرګون، چمتووالي او د کاري شریکانو ترمنځ د همغږۍ پیاوړتیا په اړه بحث او خبرې وشوې.

همدارنګه، ګډونوالو د پانډیمیک صندوق د وړاندیز د طرحې بشپړولو، د اړوندو ادارو د ونډو او اړتیاوو مشخصولو او راتلونکو اقداماتو د منظم تعقیب په اړه خپل نظرونه او سپارښتنې شریکې کړې او د پانډیمیک صندوق د وړاندیز طرحې چمتو کولو لپاره اړین اقدامات تشريح او ټینګار وشو، چې یاده طرحه باید د هېواد له روغتیايي اړتیاوو، موجودو ظرفیتونو او لومړیتوبونو سره سمه چمتو شي.

د روغتیايي خدمتونو وړاندې کولو مرستیال د وبايي ناروغیو مخنیوي، چمتووالي او پر وړاندې یې د اغېزمن غبرګون لپاره د اړوندو ادارو ترمنځ د منظمې همغږۍ او ګډ کار پر اهمیت ټینګار وکړ او ويې وویل، عامې روغتیا وزارت چمتو دی، چې له نړیوالو کاري شریکانو او همکارو ادارو سره په همغږۍ ګډ کار وکړي، څو د پانډیمیک صندوق لپاره اړین او معیاري پروپوزل چمتو شي.

تازه خبرونه

چهارشنبه ۱۴۰۵/۸/۶ - ۱۶:۲۴
Background image

د بارورۍ روغتیا د ستراتیژۍ بیاکتنې او تدوین په موخه د رهبرۍ او تخنیکي کمېټې غونډه ترسره شوه

یاده غونډه د عامې روغتیا وزارت د پلان او پاليسۍ لوی رئیس، ډاکټر سید رسول منګل په مشرۍ ترسره شوه، چې په کې د دغه وزارت يو شمېر مرکزي رئیسانو، د UNFPA، روغتیا نړیوال سازمان او UNICEF ادار. . .

چهارشنبه ۱۴۰۵/۸/۶ - ۹:۹
Background image

د کابل ښار پل خشتي سیمه کې د رضاکارانه وینې راټولولو کمپاین ترسره شو

د عامې روغتیا وزارت د وینې ملي بانک له لوري د کابل ښار پل خشتي سیمه کې د عامه پوهاوي او رضاکارانه وینې راټولولو کمپاین ترسره شو.

په دغه کمپاین کې له ۲۸ تنو هېوادوالو څخه ۱۴ زره سي‌ سي. . .

چهارشنبه ۱۴۰۵/۸/۶ - ۹:۲
Background image

د ولایتونو روغتیايي ناظمینو ته ۴۲۰ عرادې موټرسایکلونه پېرل کېږي

د عامې روغتیا وزارت په پام کې لري، چې په ولایتونو کې د روغتیايي خدمتونو د څارنې بهیر د لا پیاوړتیا او اړوندو چارو د اسانتیا په موخه د روغتیايي ناظمینو لپاره ۴۲۰ عرادې موټرسایکلونه وپېري. . .

BACK TO NEWS