د کنړ د لرې پرتو سیمو واکسیناتورانو ته ۳۲ عرادې موټرسایکلونه او ۷۶ عدده چوکۍ وسپارل شوې
د عامې روغتیا وزارت له لوري په کونړ ولایت کې د لرې پرتو سیمو واکسیناتورانو ته د (۲۲۱۴۴۰۰) افغانیو په لګښت ۳۲ عرادې صفر کیلو متر موټرسایکلونه او د روغتیايي مرکزونو مسؤلینو ته د انتظارخونو لپاره ۷۶ عدده چوکۍ وسپارل شوې.
یاد موټرسایکلونه د بېل ګېټس بنسټ په مالي همکارۍ د لرې پرتو سیمو واکسیناتورانو لپاره پېرل شوي وو، چې په مرسته به یې واکسیناتوران وکولای شي پر وخت هېوادوالو ته د واکسین برخه کې اړین روغتیايي خدمتونه وړاندې کړي.
