د کوچني اختر په درې ورځو کې د لغمان ولایت ۱۵ روغتیايي مرکزونو کې نږدې (۲۲۰۰) ناروغانو ته په بېلا بېلو برخو کې روغتیايي خدمات وړاندې شوي دي
یاد خدمات چې د لغمان ولایتي روغتون سربېره په ۱۴ روغتیايي مرکزونو کې وړاندې شوي، له ډلې یې ۷۹۰ تنو ته عاجل سراپا خدمات، ۱۱۸ تنو ته ټروما او پاتې نورو ته په بېلا بېلو برخو کې روغتیايي خدمات ترسره شوي دي.
د یادونې وړ ده، چې د عامې روغتیا وزارت رهبرۍ په ځانګړي هدایت په مرکز او ټولو ولایتونو کې د اختر په شپو ورځو کې د روغتیايي مرکزونو فعال ساتلو هدایت شوی و؛ ترڅو د هېوادوالو روغتیايي ستونزو ته رسېدنه ترسره او له روغتیايي خدماتو برخمن وي.
