ننګرهار سیمه ییز تخصصي روغتون کې د ۲۵ زره ډالرو په ارزښت د فیسټولا ناروغانو عملیاتخونه پرانیستل شوه
یاده څانګه د Cure روغتون او Be Team نړیوالې مؤسسې په مالي همکارۍ د سیمه ییز روغتون په نسایي ولادي وارډ کې پرانیستل شوه، چې په مرسته به یې د فیسټولا ناروغانو ستونزې تر ډېره حل شي.
د عامې روغتیا رئیس، الحاج امین الله شریف د یاد روغتون او مؤسسې له همکاریو څخه مننه وکړه او د ختیځ زون ولسونو لپاره یې دا یو ښه خبر یاد کړ.
نوموړي دغه راز هیله وښوده، چې یاده مؤسسه به دغه عملیاتخونه لا ښه سمبال کړي.
