هند هېواد د خپلو بشري مرستو او روغتیايي همکاریو پر دوام ۱۳۱ کارټنه ټي ډي (Td) واکسین د افغانستان عامې روغتیا وزارت ته وسپارل
یاد واکسین د ټي ډي (دیفتري او کزاز) له ګډ ترکیب څخه جوړ شوی، چې هر ویال یې ۱۰ دوزه لري.
همدارنګه، په هر کارتن کې ۷۶۸ دوزه واکسین شامل دي، چې د وقایوي واکسیناسیون پیاوړتیا او د روغتیايي خدمتونو ښه والي په موخه به وکارول شي.
د یادونې وړ ده، چې هند هېواد څو اوونۍ وړاندې هم نږدې ۹.۵ ټنه د سرطان ضد درملو مرسته کړې وه او د عامې روغتیا وزارت ته یې سپارلي وو.
