د عامې روغتیا وزارت کې د ګډ نظارت د چک لېست د بیاکتنې په موخه غونډه ترسره شوه
د عامې روغتیا وزارت د څارنې او پلټنې لوی رئیس، ډاکټر عنایت الله عنایت په مشرۍ د ګډ نظارت په بهیر کې د شته ستونزو حل او د ګډ نظارتي چک لېست بیا کتنې په موخه غونډه ترسره شوه
په دې غونډه کې چې د روغتیايي تآسیساتو د پلټنې رئیس مولوي محمودالله زاهد، د طبي شورا د ډاکترانو او روغتیايي کارکوونکو د ثبت او جواز صادرولو رئیس حمدالله قاضي پامیر صاحبزاده او د اړوندو ریاستونو د تخنیکي او نظارتي برخو استازو ګډون درلود؛ د ګډ نظارت نظارتي چک لېست له سره وڅېړل شو او د خصوصي سکتور د نظارت د لا ښه والي په موخه په کې اړین تعدیلات او نوي اصلاحات رامنځته شول، چې د تائید لپاره به د عامې روغتیا وزارت مقام ته وړاندې شي.
