" په جګړو او ناورینونو کې د جسدونو مدیریت " تر عنوان لاندې درې ورځنی ورکشاپ ترسره شو
د عامې روغتیا وزارت د عدلي طب ریاست له لوري په لومړي ځل د مرکز کابل اړوند، یو شمېر امنیتي ادارو ۲۲ تنه مسلکي کارکوونکو ته " په جګړو او ناورینونو کې د جسدونو مدیریت " تر عنوان لاندې درې ورځنی ورکشاپ ترسره شو
یاد ورکشاپ د عامې روغتیا وزارت د عدلي طب ریاست له لوري د سره صلیب نړیوالې کمېټې په تخنیکي او مالي مرسته د کورنیو چارو وزارت د کریمنال تخنیک، د مرکز کابل د امنیتي حوزو او د دې ولایت د ولسوالیو امنیه قومندانۍ ۲۲ تنو مسلکي کارکوونکو ته ترسره شو، چې په ترڅ یې ګډونوالو ته " په جګړو او ناورینونو کې د جسدونو مدیریت " تر عنوان لاندې د درې ورځو په موده کې عملي او نظري زده کړې ورکړل شوې.
