ژوند پاڼه

ډاکټر وحید مجروح ژوند لیک او پیژندنه 

 د عامې روغتیا وزارت سرپرست

داکتر وحید مجروحداکټر وحید مجروح په ۱۳۶۴ کال د هرات شینډنډ ولسوالی په یوی روڼ آندی او دینداره کورنی کی زیږیدلی دی.او وروسته لدی چی له دولسم ټولګی څخه فارغ شو د هرات طب پوهنځي ته یی لاره پیدا کړه او له زده کړو وروسته په ۱۳۸۷ کال کی فارغ شو.هغه مینه او علاقه یی چی له زده کړو او علم سره درلوده ویی غوښتل خپلو زده کړو ته دوام ورکړي او په کال ۱۳۹۶ کی یی د سیاسی علومو برخه کی ماسټری وکړه .او د همدی په دوام یی په کال ۲۰۱۷خپله دویمه ماسټری د روغتیا نړیوالی پالیسی برخه کی ترلاسه کړه .نوموړي د زده کړی د نورو معتبرو سندونو ترڅنګ له هندوستان څخه د التراسوند تشخیصیه برخه کی فوق لسانس سند ،د رهبری په برخه کی د آمریکایی انسټټیوټ ډیپلوم او د رهبری ،مدیریت او اداری په برخه کی لسګونو ملی او نړیوالو بنسټونو څخه سندونه هم لري.
ښاغلي ډاکټر وحید مجروح د ۱۲ کلونو په ترڅ کی په بیلابیلو برخو کی دنده تر سره کړی ،چی په ۲۰۰۸ کال یی د ټاکنو خپلواک کمیسیون د لویدیځ حوزوی زون د مشر،او له ۲۰۰۹ نه تر ۲۰۱۱ پوری په هیواد کی د جندر د انډول په برخه کی د آمریکا  سفارت د حوزوی مسول په توګه او همدا راز د دوو کلونو لپاره یی په کابل کی د آمریکا د سفیر او قونسل سره د سیاسی سلاکار په توګه دندی ترسره کړي دي.چی ددغو ټولو مسولیتونو په ترڅ کی بریالی بلل شوی دی.نوموړي په ۲۰۱۵ کال د عامی روغتیا وزارت کی د تخنیکی سلاکار په توګه خپله دنده پیل کړه .او څه موده وروسته د وزارت د رهبری په وړاندیز او د ولسمشری په حکم ددغه وزارت د نړیوالو اړیکو د ریس په توګه وپیژندل شو.چی ۴ کاله یی په دغه موقف کی کار وکړ او په لسګونو ملی او نړیوالو کنفرانسونو کی یی د عامی روغتیا وزارت څخه ښه استازولي وکړه.نوموړي د روغتیایی سیاسی او مدیریتی زده کړو ترڅنګ د ځانګړی فصاحت څخه هم برخمن دي او په دری ژبو پښتو ،دری او انګلیسی ژبو خبری کوي او ښه نطاق هم دی په همدی موخه د ماموریت په لړ کی د نورو رسمی مسولیتونو ترڅنګ د عامی روغتیا وزارت د رهبری لخوا نوموړي ته د ویاندویی مسولیت هم ورکړل شو چی په دغه موده کی یی له کورني او نړیوالو رسنیو سره ښی اړیکی درلودلی.نوموړی کله چی د عامی روغتیا وزارت د نړیوالو چارو د ستر سلاکار په توګه دنده ترسره کړه وتوانیده چی د وزارت او کورني او نړیوالو بنستونو سره ښه همغږي را منځته کړي.نوموړي د خپلو هڅو پربنست په ۱۳۹۸ کال کی د اسلامی هیوادونو  روغتیایی ګرځندویی د پراختیا مرکز د ریس په توګه وګمارل شو .نوموړې هغه مینه چی د زده کړی او علم په برخه کی درلوده په هرات ولایت کی یی د نوښتګرو ځوانانو په نوم ښوونځی جوړ کړ ،همدا راز نوموړي په  کابل کی د لومړي ځل لپاره د جنین دتشخیص لومړنی طبی مرکز جوړ کړ.نوموړی د خپل مسلک ترڅنګ ښه شاعر هم دي او د هیواد له ادبی قشر سره هم ښی اړیکی لري .همدا راز کله چی په ۱۳۹۸ کال کی د کرونا ویروس په هیواد کی ویره او ډار رامنځته کړ او حتی روغتیایی سکتور کارکونکو خپله روحیه له لاسه ورکړی وه نو پدی وخت کی ښاغلی داکتر وحید مجروح د عامی روغتیا وزارت په وړاندیز او د ولسمشری په منظوری د دغه وزارت د روغتیایی خدمتونو د معین په توګه و ګمارل شو او د ۱۳۹۸ کال د حمل په ۲۷ نیټه یی په همدی ستونزمن او کړکیچن حالت کی خپله دنده رسما پیل کړه .او همدا دلیل شو چی نوموړي د مرکز او ولایتونو له روغتیایی مرکزونو لیدنه وکړه ولس او روغتیایی کارکونکو ته یی روحیه ورکړه او حتی په کرونا اخته شویو هیوادوالو پوښتنه یی له نږدی وکړه او دغه بحرانی وضیعت یی کنټرول کړ.د همدی نوښتونو هڅو او مخکینی لاسته راوړنو ته په کتو سره د ۱۳۹۹ کال د دلو میاشتی په ۹ د اوسنی دندی سربیره د جلالتمآب ولسمشر لخوا ددغه وزارت د سرپرست په توګه ګمارل شو.