د عامې روغتیا وزارت د بېړنیو پېښو پر وړاندې د چمتووالي او غبرګون (EPR) ټیم په نورستان ولایت کې د جوړې شوې ولایتي پراختیا کمېټې (PDC) غونډه کې ګډون وکړ
یاده غونډه د نورستان مرستیال والي، مولوي فیصل مختار په مشرۍ جوړه شوې وه، چې د دغه ولایت د بېلابېلو ریاستونو مسؤلینو او د همکارو مؤسسو استازو پکې ګډون کړی و.
غونډه کې د وروستي سېلاب له امله رامنځته شوې پېښې ته د پر وخت رسېدنې په موخه له ټولو همکارو ادارو مننه وشوه او ټینګار وشو چې زیانمنې شوې کورنۍ دې په سمه توګه په نښه او له هغوی سره دې په شفاف ډول مرستې وشي.
د عامې روغتیا وزارت د بېړنیو پېښو پر وړاندې د چمتووالي او غبرګون (EPR) ټیم مسؤلینو په نورستان ولایت کې د ترسره شویو فعالیتونو په اړه معلومات وړاندې او د روغتیايي خدمتونو په برخه کې یې د لا زیاتو همکاریو ډاډ څرګند کړ.
