د کابل ښار د خصوصي روغتونونو د اعتبار ورکولو او درجه‌بندۍ بهیر دوام لري

rasooli_admin
سه‌شنبه ۱۴۰۵/۵/۲۰ - ۸:۲۶
MOPH

د عامې روغتیا وزارت د خصوصي روغتونونو د اعتبار ورکوونې ټیم کابل ښار کې د خصوصي روغتونونو د اعتبار ورکوونې او درجه بندۍ بهیر په ترڅ کې له ادې زیژنتون، آروین د پوستکي، ساجد ارمان عقلي او عصبي، سالم عزیز، جوهر او حنظله غورځنګ جراحي عمومي روغتونونو څخه لیدنه وکړه

د دې لیدنې پر مهال د اعتبار ورکولو ټیم غړو د خصوصي روغتونونو مسؤلینو ته وویل: د روغتونونو د ارزونې بهیر د عامې روغتیا وزارت له لوري د علمي معیارونو پر بنسټ پیل شوی دی، چې موخه یې د روغتیايي خدمتونو معیاري کول او د ناروغانو د خوندیتوب ډاډ ترلاسه کول دي.

هغوی زیاته کړه، چې دغه بهیر له دوامدارو هڅو او اړین چمتووالي وروسته د یوه مسلکي او روزل شوي ټیم له لوري په منظم او شفاف ډول پلي کېږي.

د یادونې وړ ده، چې خصوصي روغتونونو ته د اعتبار ورکوونې او درجه بندۍ بهیر به لومړي پړاو کې په کابل ښار او وروسته به د ولایتونو په ټولو خصوصي روغتونونو کې پلی شي.

تازه خبرونه

چهارشنبه ۱۴۰۵/۸/۲۷ - ۹:۷
Background image

د عامې روغتيا وزارت د بېلابېلو مرکزي رياستونو کارکوونکو ته د ظرفيت لوړونې په موخه د اړتياوو ارزونې غونډه ترسره شوه

دا غونډه د عامې روغتيا وزارت په لوی تالار کې د دغه وزارت د کارکوونکو چارو لوی ریاست په همکارۍ د چارو ادارې لوی ریاست اړوند د افغانستان د ملکي خدمتونو انسټیټیوټ له لوري ترسره شوه، چې د. . .

چهارشنبه ۱۴۰۵/۸/۲۷ - ۹:۱
Background image

د ننګرهار عامې روغتیا رئیس له ازبکستاني پلاوي سره لیدنه وکړه

د ننګرهار عامې روغتیا رئیس، مولوي امین‌الله شریف، د ازبکستان د عامې روغتیا وزارت د درمل جوړونې صنعت د پراختیا ادارې له مرستیال ظفربیک قاسموف، په کابل کې د دغه هېواد له اقتصادي اتشې. . .

BACK TO NEWS