د انتاني روغتونونو د اداري، تدارکاتو، فارمسي او خدماتي برخو ۲۵ تنو مسؤلینو ته د روغتونونو د مدیریت (Hospital Management) په برخه کې لس ورځنۍ روزنه ورکړل شوه
یاده روزنيزه دوره د عامې روغتیا وزارت د ظرفیت لوړونې ریاست له لوري د روغتیا نړیوال سازمان (WHO) په مالي ملاتړ، د کندهار، ننګرهار، کندز، هرات او مزارشریف د انتاني روغتونونو استازو ته ترسره شوه.
د دې روزنيزې دورې د ترسره کېدو موخه د روغتونونو د اداري او مدیریتي چارو د اغېزمنتیا لوړول، د تدارکاتي او خدماتي فعالیتونو د تنظیم ښهوالی او د باکیفیته روغتیايي خدمتونو د وړاندې کولو په موخه د اړوندو مسؤلینو د مسلکي ظرفیتونو پیاوړتیا وه.
