د عامې روغتیا وزارت د پالیسۍ او پلان مرستیال د تخار له ولایتي روغتون څخه لیدنه وکړه
د عامې روغتیا وزارت د پالیسۍ او پلان مرستیال ډاکتر محمد حسن غیاثي او ورسره مل پلاوي تخار ته د خپل سفر په ترڅ کې د تخار له ولایتي روغتون څخه لیدنه وکړه.
په دې لیدنه کې د پاليسۍ او پلان مرستيال په دغه روغتون کې د روغتيايي خدمتونو د وړاندې کولو حالت له نږدې وارزوه او روغتيايي مسوولينو ته يې لارښوونه وکړه چې د اړمنو کسانو روغتيايي حالت ته د رسیدګۍ برخه کې زياته پاملرنه وکړي.
له بلې خوا د دغه روغتون روغتيايي کارکوونکو خپلې ستونزې او وړانديزونه د عامې روغتيا وزارت له مشرتابه سره شريک کړل او د دغه وزارت له مشرتابه څخه يې د حل غوښتنه وکړه، چې په اړه يې لازمې لارښوونې وشوې.
دغه راز ډاکتر غياثي په تخار ولايت کې د روغتيايي خدمتونو د وړاندې کولو د پلي کوونکو مؤسساتو له استازو سره وکتل او په دغه ولايت کې يې د روغتيايي خدمتونو وړاندې کولو د ښه والي او د مېزلس واکسین د کمپاين پيلولو په باب خبرې وکړې.
همدارنګه، د پالیسۍ او پلان مرستیال د تخار ولایت له استازو او روغتیايي مسوولینو څخه وغوښتل چې دغه کمپاین ژر تر ژره پیل کړي.
