د تخار د عامې روغتیا ریاست خبرتیا!
د تخار د عامې روغتیا ریاست په دغه ولایت کې د شري/سرخکان ضد واکسین کمپاین پیلوي.
بنأ د دغه ولایت له ټولو اوسېدونکو څخه غوښتنه کېږي چې خپل د شپږو میاشتو څخه تر پنځو کلونو پورې ماشومان د واکسین کولو په موخه د خپلو سیمو نږدې جوماتونو ته راولي.
دغه کمپاین نن شنبه پیل شوی او شپږ ورځې به دوام وکړي.
د دغه کمپاين د پیلولو موخه په دغه ولايت کې د شري/سرخکان ناروغۍ د خپرېدو مخنيوى دى.
